हामी सबैकाे संसारन्यूज

४ पुष, काठमाण्डौं । प्रवासी नेपाली मंच अमेरिकाका अध्यक्ष प्रभु थापालाई मातृशोक परेको छ ।
अमेरिकाको मेरिल्याण्ड राज्यको बाल्टिमोरमा लामो समयदेखि बस्दै आएका समाजसेवी थापाकी ममतामयी आमा नानीमाया थापाको ६९ वर्षको उमेरमा मृत्यु भएको हो ।

विगत चारवर्ष देखि मल्टीपल माइलोमा नामक रोगको उपचार गराइरहनुभएकी आमालाई थापाले अमेरिका लगेर न्युर्योकको एलमल्स अस्पताल तथा बाल्टिमोरको जन्सहकिम अस्पतालमा झण्डै ८ महिना उपचार गराएका थिए । उपचारपछि नेपाल फर्केर मणिपाल अस्पताल पोखरामा नियमित उपचार रहनुभएकी आमाको विहिबार दिउँसो ३ बजे मणिपाल अस्पतालमै मृत्यु भएको पारिवारीक श्रोतले जानकारी दिएको छ ।

तनहुँको भानु नगरपालिका भकुन्थोकमा जन्मनुभएकी आमा नानी माया थापाको सात छोरा छन् । प्रभु थापा जेठा छोरा हुन् ।

आमाको मृत शरीर लम्जुङ घरमा लगिएको र तार्कुघाटमा दाहसंस्कार भइरहेको पनि श्रोतले जानकारी दिएको छ ।

ऐक्यबद्धता मासिक तथा संसारन्युजका शुभचिन्तक थापा तथा उहाँको परिवारमा परेको यस दुःखद घडिमा आमाको मृत आत्माप्रति हार्दिक श्रद्धान्जलि अर्पण गर्दै शोकसन्तप्त परिवारमा समवेदना व्यक्त गर्दछौं ।

सम्पादक
तथा, ऐक्यबद्धता प्रकाशन प्रालि परिवार