हामी सबैकाे संसारन्यूज

६ पुस, काठमाण्डौं। युनाईटेड फाइनान्सले २३ औ शाखाका रुपमा काठमाण्डौंको गोठाटारबाट आफ्नो कारोबार सुरु गरेको छ ।

फाइनान्सले शुक्रबारदेखी गोठाटारमा सन्चालनमा ल्याएको शाखाको उद्घाटन फाइनान्सका अध्यक्ष बसन्त कुमार चौघरी तथा कागेश्वरी मनहरा नगरपालिकाका मेयर श्री कृष्ण हरी थापाबाट एक कार्यक्रमका विच गरिएको हो ।

यसका साथै युनाईटेड फाईनान्स पँजीं तथा शाखा संजालका हिसावले देशको सबै भन्दा ठूलो फाइनान्स कम्पनी बन्न पुगेको छ ।

सेवा संचालनको २५ औं बर्षमा प्रवेश गरेको संस्थामा हालै मात्र भारतको प्रतिष्ठित मुथुत्त फाइनान्स रणनीतिक साझेदारको रुपमा भित्रिएको छ ।

फाइनान्सले २०७६ असोज मसान्त सम्म करीव ६ अरव ७० करोड निक्षेप तथा ६ अरव १४ करोड कर्जा परीचालन गरेको छ ।

गत आर्थिक बर्षको मुनाफाबाट ३ प्रतिशत वोनस शेयर तथा ७.५६ प्रतिशत नगद लाभांस वितरण गर्ने प्रस्ताव नेपाल राष्ट्र बैंकबाट स्वीकृत भईसकेको पनि बैंकले जनाएको छ ।