हामी सबैकाे संसारन्यूज

८ पुस, काठमाडौँ । हाल अक्षय कुमार र करिना कपुर आफ्नो नयाँ चलचित्र गुड न्युज का कारण चर्चामा रहेका छन् ।

कपुर फिल्म यूनिट सँगै उक्त चलचित्रको प्रचारप्रसारमा व्यस्त छिन् । सोहि चलचित्रको प्रचारप्रसारको क्रममा आफ्ना को–आर्टिस्ट अक्षय कुमारको तारिफ गर्दै बलिउडका महानायक अमिताभ बच्चनसँग तुलना गर्दै उनी भन्छिन्–अक्षयले जे छुन्छन् सुन बन्ने र अमिताभले जुन फिल्ममा हात हाल्छन् त्यो सफल भएजस्तै अक्षयले पनि अभिनय गरेका जुन फिल्म पनि सफल भएको उनले बताएकी छन् ।

राज मेहताद्वारा निर्देशित उक्त चलचित्रमा कपुर र कुमारका साथमा कियारा आडवाणी र दिलजित दोसाँझ मुख्य भूमिकामा रहेका छन् । उनीहरु अभिनित गुड न्युज चलचित्र भारतमा तीन हजार स्क्रिनमा प्रदर्शन हुँदैछ भने ३ हजार ६ सय स्क्रिनमा एकसाथ रिलिज हुने बताइएको छ ।