Sansar News
८ पुस, काठमाडौँ । जेम्स बान्ड सिरिजको चौथो फिल्म ‘थन्डरबल’की हलिउड अभिनेत्री क्याउडिन एगरको निधन भएको छ ।
एगरको ७८ वर्षको उमेरमा मृत्यु भएको हो । सन् १९५९ मा मिस वल्र्डको रनरअप भएकी एगरले १९५७ मा मिस सिनेमान्डको अवार्ड पनि जितेकी थिइन् । १९९७ मा प्रदर्शन भएको फ्रेन्च ‘द रेड एन्ड ब्ल्याक’ उनको अन्तिम चलचित्र रहेको बताइएको छ ।
‘क्रिस्टिन’ फिल्मबाट आफ्नो फिल्म करियर सुरु गरेकी उनले फिल्म निर्देशक पियरे गस्पर्डसँग वैवाहिक सम्बन्ध गाँसेकी हुन् । जेम्स बान्ड सिरिजमा अनुबन्ध हुने एगर फ्रेन्चको पहिलो अभिनेत्री हुन् ।
हलिउडमा उनले टेरेन्च यंगको ‘ट्रिपल क्रस’, द मेमायर्स अफ सर्लोक होम्स मा अभिनय गरेकी छन् भने जेम्ब बान्ड सिरिजको २५ औँ फिल्म ‘नो टाइम टु डाई’ २०२० को अप्रिलमा प्रदर्शनीको लागि तयार गरिएको बताइएको छ ।
वि.सं.२०७६ पुस ८ मंगलवार १३:१७ मा प्रकाशित
