Sansar News
१६ पुस, काठमाडौँ । सरकारले घर भाडामा दिने घरबेटीमार्फत भाडामा बस्नेहरुको विवरण खोज्ने तयारी गरेको छ ।
पछिल्लो समय राजधानी काठमाडौँसहित देशका मुख्य सहरी क्षेत्रमा भाडामा बस्नेहरु मार्फत आपराधिक गतिविधिहरु बढेको निश्कर्षसहित सरकारले घरबेटीमार्फत नै घरभाडामा लिएर बस्नेहरुको विवरण खोज्ने तयारी गरेको हो ।
गृहमन्त्री रामबहादुर थापाको अध्यक्षतामा मंगलबार गृहमन्त्रालयमा बसेको बैठकमा सोबारे छलफल भएको हो । गृहसचिव प्रेमकुमार राई र प्रहरी महानिरीक्षक सर्वेन्द्र खनालसमेत सहभागी बैठकमा गृहमन्त्री थापाले राजधानीसहित सहरी क्षेत्रमा आपराधिक गतिविधि बढेको विषयमा सरकारको ध्यानाकर्षण भएको बताएका थिए । बुधबारको राजधानी दैनिकबाट
वि.सं.२०७६ पुस १६ बुधवार ०७:५४ मा प्रकाशित
