Sansar News
१६ पुस, काठमाडौँ । मनोकांक्षा पूरा गर्न ब्रत बस्ने, मन्दिर गएर पूजा गर्ने तथा बटुवा र वृद्धवृद्धालाई भोजन गराउने प्रशस्तै भेटिन्छन् । तर ग्रहदशा कटाउन बाघलाई पनि भोजन गराउँछन् भन्ने सुन्दा धेरैलाई अचम्म लाग्न सक्छ । जावलाखेलस्थित सदर चिडियाखानामा यस्तो पनि व्यवस्था छ ।
चिडियाखानाकी वरिष्ठ क्युरेटर (जनावरको व्यवस्थापन विज्ञ) रचना शाहका अनुसार बाघलाई हरेक आइतबार भोजन खुवाउने व्यवस्था गरिएको छ । भोजन गराउन चाहनेले अघिल्लो दिन नै चिडियाखानामा खबर गर्नु पर्छ । चिडियाखाना व्यवस्थापनले अघिल्लो दिनको अर्डर अनुसार भोजनको व्यवस्था गराउँछ ।
शाहका अनुसार कुनै दिन ६ सात जनाले खुवाउँछन् भने कुनै दिन एक जना पनि आउँदैनन् । बाघलाई भोजन गराउन चाहनेले प्रतिव्यक्ति दुई सय रुपैंया शुल्क तिर्नुपर्छ । यो शुल्कमा चिडियाखाना व्यवस्थापनले नै मासु उपलब्ध गराइदिन्छ । बुधबारको अन्नपूर्ण पोस्टबाट
वि.सं.२०७६ पुस १६ बुधवार ०८:०१ मा प्रकाशित
