हामी सबैकाे संसारन्यूज

२० पुस, जनकपुरधाम । प्रादेशिक अस्पताल जनकपुरमा दैनिक ३ ४ सय बिरामी उपचारका लागि आउने गर्छन् त्यहाँ चिकित्सक नै हुँदैनन् ।

उक्त अस्पतालमा चिकित्सकहरुको दरबन्दी छ । छात्रवृत्ति करारमा चिकित्सक छन् । तर, समयमा नआएपछि सेवाग्राही चेकजाँच नै नगराई फर्किने गरेका छन् । प्रायः दिन ओपीडी कक्ष बिरामीले भरिभराउ हुन्छ तर एकाध चिकित्सकहरुबाहेक अन्य कुनै विशेषज्ञ चिकित्सकको अत्तोपत्तो हुँदैन ।

गत बुधबार सवा ११ बजे ओपीडी कक्षको १७ नम्बर कोठा फिजिसियन चिकित्सक आएका थिएनन् । त्यसदिन चिकित्सक कुलदीप पण्डित, सिद्धिदात्री झा, रामेश्वर महासेठ, महेश महासेठ, रामदेव चौधरीलगायतको ड्युटी थियो ।

बिहान ८ बजेदेखि टिकट काटेर लाइन लागेका बिरामी ११ बजेसम्म चिकित्सकको पर्खाइमा थिए । तर, समयमै चिकित्सक नआउँदा कतिपय बिरामी फर्किएर निजी क्लिनिकमा गए भने कतिपय कुरेरै बसे तर डाक्टर फेला पारेनन् । आइतबारको अन्नपूर्ण पोस्ट दैनिकबाट