हामी सबैकाे संसारन्यूज

२४ पुस, काठमाडौँ । पश्चिमी वायु फेरि सक्रिय भएको छ । पश्चिमी वायुको प्रभावले केही दिनदेखि देशभरिकै मौसम बदली भइरहेको छ ।

बिहीबार ,दिउँसो देशभर सामान्य बदली रही केही स्थानहरुमा हल्का देखि मध्यम वर्षा भइरहेको छ । देशका उच्च पहाडी तथा हिमाली भूभागका अधिकांश स्थानहरुमा मध्यम देखि भारी हिमपात भइरहेको जल तथा मौसम पूर्वानुमान महाशाखाले जनाएको छ ।

बिहीबार राती देशको मध्य तथा पूर्वी भुभागमा सामान्य बदली तथा पश्चिमका भूभागमा आंशिक बदलि रही पश्चिमका एकदुई स्थानहरुमा साथै मध्य र पूर्वका थोरै स्थानहरुमा हल्का देखि मध्यम वर्षाको संभावना छ । देशका मध्य तथा पूर्वी उच्च पहाडी तथा हिमाली भूभागका थोरै स्थानहरुमा भने हल्का हिमपात हुने सम्भावना रहेको छ ।

शुक्रबार दिउँसो देशका पूर्वी र मध्य पहाडी भूभागमा आंशिक देखि सामान्य बदली रही बाँकी स्थानहरुमा मौसम सामान्यतया सफा रहनेछ। मध्य र पूर्वी पहाडी भूभागका एक दुई स्थानमा हल्का वर्षाको संभावना छ ।शुक्रबार रातीदेशका पूर्वी र मध्य पहाडी भू भागमा आंशिक बदली रही बाँकी स्थानहरुमा मौसम सामान्यतया सफा रहनेछ ।

शनिबार दिउँसो भने  देशका पूर्वी र मध्य पहाडी भूभागमा आंशिक बदली रही बाँकी स्थानहरुमा मौसम सामान्यतया सफा रहनेछ ।
राती देशका पूर्वी र मध्य पहाडी भूभागमा आंशिक बदली रही बाँकी स्थानहरुमा मौसम सामान्यतया सफा रहनेछ ।शनिबार देशका पूर्वी र मध्य पहाडी भूभागमा आंशिक बदली रही बाँकी स्थानहरुमा मौसम सामान्यतया सफा रहनेछ ।

उच्च पहाडी तथा हिमाली भू भागका अधिकांश स्थानहरुमा मध्यम देखि भारी हिमपात हुने सम्भावना रहेकोले, यसकै कारणले जाडो बढ्ने हुनाले चिसोबाट जोगिने उपाय अपनाउनुका साथै यात्रा गर्दा सावधानी अपनाउनुहुन पनि सबैमा अनुरोध गरेको छ ।