हामी सबैकाे संसारन्यूज

२७ पुस, काठमाडौँ । आज २०७६ साल पुस २७ गते आइतबार । काठमाडौँबाट प्रकाशित विभिन्न प्रत्रिकाहरुले सभामुख चयनका विषयमा रहेर लेखेको समाचारलाई आज प्रायः पत्रपत्रिकाले प्राथमिकताकासाथ  मुख्य पृष्ठमा छापेका छन् ।

नयाँ पत्रिका दैनिकको मूख्य पृष्ठमा काठमाडौँका नामी अस्पतालमा विदेशी पर्यटकमाथि लुट– एउटै बिरामी एकै समयमा एसआइसियू, आइसियू, डिलक्स रुम र स्विट रुममा भर्ना भएको बिल शीर्षकले प्राथमिकता पाएको छ । अर्जुन अधिकारीले लेखेको समाचार हो यो । जसमा काठमाडौँका निजी अस्पतालले विदेशी पर्यटकलाई उपचारका नाममा चरम आर्थिक शोषण गरिरहेको छन् । पर्यटनको गुनासो बढेपछि स्वास्थ्य तथा जनसङख्या मन्त्रालयले अध्ययन गरेको थियो । तर, अध्ययन टोलीले दिएको प्रतिवेदनमा सरकारले कुनै कारबाही गरेको छैन । काठमाडौँका ६ ठूला अस्पतालको अनुगमन गर्दा बल्खुस्थित वयोधा अस्पताल, टोखास्थित ग्रान्डी अस्पताल, नर्भिक अस्पताल, सिवेक अस्पात, स्वाकोन अस्पताल र इरा हेल्थ सेन्टर अस्पतालले ‘एउटै शीर्षकमा एकमुष्ट सेवाशुल्क लिँदा ठूलो रकम देखिने हुँदा यसरी सेवा तथा शुल्कहरुलाई विभिन्न शीर्षक –उपशीर्षकमा विभाजन गरी शुल्क लिएको पाइएको छ । त्यस्तै उपसभामुख अडिग शीर्षक ले पनि प्राथमिकता पाएको छ । कर्मचारीलाई बोनस बाँड्ने आयल निगमको निर्णय शीर्षकले पनि प्राथमिकता पाएको छ । अजित अधिकारीले लेखेको समाार हो यो ।

कान्तिपुर दैनिकमा सभामुख चयन अन्योलमै शीर्षकको समाचारले प्राथमिकता पाएको छ । यो समाचार विनु सुवेदीले लेखेकी हुन् । ललिता निवास प्रकरण – मालपोतबाटै मुद्दा कमजोर बनाउने खेल शीर्षकको समाचार पनि छापिएको छ । कृष्ण ज्ञवालीको समाचार हो यो । घाइते बनाएपछि टिपरले किचेर हत्या शीर्षकको समाचार पनि छापिएको छ । यो जनकपुरको समाचार हो । अजित तिवारी र सन्तोष सिंहले लेखेका हुन् ।
अन्नपूर्ण पोस्ट दैनिकमा ‘राजिनामा दिन्नँ’– तुम्बाहाङफे भन्छिन् बैठक मै चलाउँछु शीर्षकले प्राथमिकता पाएको छ । नरेन्द्र साउदको समाचार हो ।
त्यस्तै मनिका झाले लेखेको ‘मेयरले मिचाए रामजानकीको जग्गा ’ शीर्षकको समाचारले पनि प्राथमिकता पाएको छ । त्यस्तै गरी फार्मको लगानी बालुवामा पानी –खर्च १५ करोड, छैनन् गाई शीर्षकमा रवीन्द्र गौतमले लेखेका छन् । दोलखाको समाचार हो यो ।

राजधानी दैनिकमा सन्तोषजनक छैन अधिकांश मन्त्रालयको चौमासिक कार्यप्रगति – राम्रो नतिजा ल्याउन ताकेता गर्दै प्रधानमन्त्री कार्यालय शीर्षकको समाचारले प्राथमिकता पाएको छ ।
त्यस्तै उपसभामुख तुम्बाहाङ्फेलाई राजीनामा दिन नेकपाको निर्देशन शीर्षकको समाचारले पनि प्राथमिकता पाएको छ ।

गोरखापत्र दैनिकमा एक अर्ब लगानिमा विकास निर्माण भनेर नगेन्द्र सापकोटाले समाचार लेखेका छन् । त्यस्तै नेपाल –भारत सीमा समस्या , जवाफसँगै वार्ताको तयारी शीर्षकको समाचारले पनि प्राथमिकता पाएको छ उपसभामुखलाई राजीनामा गराउने निर्णय शीर्षकको समाचारले पनि प्राथमिकता पाएको छ ।

नागरिक दैनिकमा खोला रित्याउँदै क्रसर माफिया शीर्षकको समाचारले प्राथमिकता पाइको छ । मिथिलेश यादवले लेखेको यो समाचार धनुषाको हो । त्यस्तै ओलीको अडानले दाहाल अप्ठेरोमा शीर्षकमा टपेन्द्र कार्काीले समाचार लेखेका छन् ।