हामी सबैकाे संसारन्यूज

२ माघ, काठमाण्डौं । ‘राष्ट्र निर्माण हाम्रो लक्ष्य’ भन्ने नारासहित स्थापना भएको नेपाल टेलिकमले आफ्नो १२ औं बार्षिकोत्सब सम्पन्न गरेको छ ।

९२ प्रतिशत शेयर धनी उपस्थित गराइ आर्मी अर्फिसर्स क्लब भद्रकालीमा सम्पन्न भएको सो साधारणसभाले प्रति शेयर ४५ का दरले लाभांस वितरण गर्ने निर्णय गरेको छ । यद्यपी यो लाभांश गतवर्षहरुमा भन्दा कमि हो ।

साधारणसभामा कम्पनीका अध्यक्ष तथा सूचना तथा संचार मन्त्रालयका सचिव दीपक सुवेदीले कम्पनीले हासिल गरेको उपलब्धि, डिजिटल डिभाइड न्यूनिकरण तथा डिजिटल इन्क्लुजनको अवधारणालाई साकार पार्ने र संस्थागत शुसासन तथा सामाजिक उत्तरदायित्व लगायतका विषयमा प्रतिवेदन मार्फत् जानकारी दिएका थिए ।

पछिल्ला चुनौती र प्रतिश्पर्धाका कारण कम्पनीमा नाफा घट्न गएको बताउँदै उनले गुणस्तरीय सेवाबाट टेलिकमले थप विश्वास जित्ने बताएका थिए । तीब्र गतिको इन्टरनेट र टेलिभिजन समेत चलाउने एफटिएच सेवाको विस्तारले संभावना थपेको कुरा उनले प्रष्ट्याएका थिए ।

कम्पनीका अनुसार शेयरधनीले पाउने लाभांश तोकिको खातामा माघ १ देखि नै पठाउन शुरु गरिएको छ ।