Sansar News
काठमाडौँ । नेपाल बैंक लिमिटेड र बि एण्ड बि हस्पिटल प्रा.लि. बिच सम्झौता भएको छ । बैंकमा खाता भएका ग्राहक र बैंकमा कार्यरत कर्मचारीहरुले नेपाल बैंकको मोबाईल बैंकिङ एपबाट उपचार गर्दा लाग्ने शुल्कमा विशेष छुट पाउने भएका हुन् ।
सो सम्झौता बमोजिम बैंकमा खाता रहेका ग्राहकहरू र बैंकमाकार्यरत कर्मचारीहरुलाई अस्पतालद्वारा तोकिएको विविध उपचार सेवामा लाग्ने शुल्कहरूमा बिल रकमको १५%छुट हुने व्यवस्था गरेको छ । सम्झौता पत्रमा बैकको तर्फबाट बजारीकरण तथा अनुसन्धान डिभिजन प्रमुखश्री निर्मल सुवेदी र बि एण्ड बि हस्पिटल प्रा.लि. को तर्फबाट प्रशासन प्रमुखश्री प्रकाश कुमार भट्टराईले हस्ताक्षर गरेका हुन् ।
बैकका अनुसार ग्राहकहरू तथा बैंकमा कार्यरत कर्मचारीहरूलाई बि एण्ड बि हस्पिटल प्रा.लि.द्वारा प्रदान गरिने सहुलियत पूर्ण स्वास्थ्य सेवाबाट लाभान्वित हुने छन् ।
वि.सं.२०८३ वैशाख २५ शुक्रवार १३:४७ मा प्रकाशित
