हामी सबैकाे संसारन्यूज

३ माघ, काठमाण्डौं । पूर्वराजा ज्ञानेन्द्र शाहकी छोरीको घर खाली गर्न सरकारले आदेश जारी गरेको छ ।

नेपाल सरकार नेपाल ट्रष्टको कार्यालयले एक सूचना मार्फत् ३५ दिन भित्र सम्पूर्ण रुपले घर खाली गर्न आदेश जारी गरेको हो ।

‘नेपाल ट्रष्टको कार्यालय कमलादी काठमाण्डौंबाट जारी भएको काठमाण्डौं जिल्ला काठमाण्डौं महानगरपालिका वडा नं १३ बस्ने स्व. राजा श्री ५ महेन्द्र विरविक्रम शाहकी नातिनी, पूर्वराजा ज्ञानेन्द्र शाहकी छोरी तथा श्री राजबहादुर सिंहकी श्रीमती वर्ष ४१ की प्रेरणा राज्यलक्ष्मी देवी सिंहको नाउँमा जारी गरिएको ३५ दिने सूचना’ नामक आदेश माघ ३ गतेको गोरखापत्रमा समेत प्रकाशित गरिएको छ ।

सर्वोच्च अदालतको मिति २०७३\०९\२१ मा भएको फैसला बमोजिम कामनपा १३ छाृउनीमार्गस्थित सिट नं १०२-११०३-१२ कि.नं २५ को क्षेत्रफल १५-१ रोपनी १ आना र १ दामा अर्थात् ७६६४.६० वर्ग मी जग्गा र चर्चिएको घर कम्पाउण्ड हाल नेपाल ट्रष्टको नाउँमा भैसकेकाले पटक-पटक पत्राचार र सार्वजनिक सूचना जारी गर्दा पनि खालि नगरेको भन्दै कडा आदेश जारी गरेको छ ।

सो फैसला उपर चित्त नबुझेको भन्दै दोहोर्याइ पाउन पूर्व राजपरिवाका तर्फबाट सर्वोच्चमा अनुरोध गरिएको समाचार यसअघि सार्वजनिक भएको थियो । शाहले सो जग्गा आफूलाई दाइजोबाट प्राप्त भएको भन्दै आएकी थिइन् ।