हामी सबैकाे संसारन्यूज

७ माघ, काठमाडौं । प्रतिनिधिसभाको सभामुखका लागि नेकपाबाट सांसद अग्निप्रसाद सापकोटाकोमात्र उमेद्वारी परेको छ । उम्मेदवारी दर्ताका लागि मंगलबार विहान ११ बजेदेखि २ बजेसम्मको समय निर्धारण गरिएको थियो ।

निर्धारित समयमा सभामुखका लागि सापकोटाको मात्र उमेद्वारी परेकोले उनी निर्विरोध निर्वाचित हुने भएका छन् । यद्यपि अग्नीलाई संघीय संसदको चौठो ठूलो दल राष्ट्रिय जनता पार्टी (राजपा) नेपालले समेत समर्थन गरेको छ ।

राजपकाको समर्थनसँगै सभामुख निर्वाचनका लागि नेकपा उम्मेदवार सापकोटाको पक्षमा दुई तिहाइ बहुमत जुटेको छ ।

पूर्वसभामुख एवम् नेकपाका संसदीय दलका उपनेता सुवास नेम्वाङको प्रस्ताव र प्रमुख सचेत देव गुरुङ, पूर्वसभामुख ओनसरी घर्ती र राजपाका सांसद लक्ष्मणलाल कर्णको समर्थनमा सापकोटाले उम्मदवारी दर्ता गराएका हुन् । योसँगै सापकोटा सभामुख बन्ने पक्का भएको छ ।