८ माघ, काठमाण्डौं । एनआरएनए अफ्रिकाका संयोजक रोशन थापाले जाम्बियाका पूर्व राष्ट्रपतिलाई भेट गरेका छन् ।
अफ्रिकन मुलुक जाम्बियाका प्रथम रास्ट्रपति केनेथ काउन्डासँग थापाले मंगलबार उनकै निवास लुसाकामा भेट गरेका हुन् । भेटमा थापाले नेपालको बारेमा संक्षिप्त जानकारी गराउँदै नेपालको बर्तमान प्रगति र अफ्रिका नेपाल सम्बन्धका बारेमा बताएका थिए ।
उनले अफ्रिकामा रहेका नेपाली र तिनका लगानी र दुई देशको पर्यटन र लगानी अबसरका बारेमा समेत जानकारी गराएका थिए ।
उनको नेतृत्वमा जाम्बिया स्वतन्त्र भए लगत्तै सन १९६४ देखि १९९१ सम्म उनि जाम्बियाका राष्ट्रपति रहेका थिए ।
वि.सं.२०७६ माघ ८ बुधवार १०:११ मा प्रकाशित