हामी सबैकाे संसारन्यूज

गण्डकी प्रदेशका सांसद राजीव गुरुङ उर्फ दिपक मनाङेलाई २ दिन थुनामा राखेर अनुसन्धान गर्न जिल्ला अदालत कास्कीले अनुमति दिएको छ। अखिल नेपाल फुटबल संघ (एन्फा) कास्कीका अध्यक्ष मिलन गुरुङमाथि कुटपिट गरेको आरोपमा बिहीबार मनाङे पक्राउ परेका थिए।

उनीविरुद्ध प्रहरी कार्यालयमा बुधबार कुटपिटको उजुरी दर्ता भएको थियो। जिल्ला अदालतले थप अनुसन्धानका लागि मनाङेलाई थुनामा राख्न दुई दिनको अनुमति दिएको हो।

यता मनाङेविरुद्ध कुटपिटको उजुरी दिने मिलन गुरुङ पनि पक्राउ परेका छन्। अध्यक्ष गुरुङविरुद्ध पनि कुटपिटको उजुरी परेकाले पक्राउ गरिएको कास्कीका प्रहरी प्रमुख एसपी दानबहादुर कार्कीले जानकारी दिए।

पोखरा क्रियटिभ अवार्ड हाउसका सञ्चालक रामकृष्ण पौडेलले एन्फा कास्कीका अध्यक्ष गुरुङविरुद्ध कुटपिटको जाहेरी दिएपछि उनलाई पक्राउ गरिएको हो।