हामी सबैकाे संसारन्यूज

१४ माघ, काठमाण्डौं । गैरआवासीय नेपाली संघ राष्ट्रिय समन्वय समिति (एनआरएनए) अमेरिकाले परिषद्का सल्लाहकार र प्रवक्तालाई निलम्बन गरेको छ ।

परिषद्का आजीवन सदस्य प्रशन्न संग्रौलाले पदीय आचरणविरुद्ध काम गरेको भन्दै परिषद्का प्रवक्ता ओम भट्टराई र सल्लाहकार शिव मल्ल विरुद्ध कारबाहीको निवेदन दिएपछि उक्त कारबाही गरिएको परिषद्द्धारा जारी विज्ञप्तिमा बताइएको छ ।

‘प्रवक्ता ओम भट्टराई र सल्लाहकार शिव मल्ललाई कमिटीको रिपोर्ट नआएसम्मका लागिपदीय जिम्मेवारीबाट बाहिर रहने गरी बढीमा ४५ दिनभित्र कार्य सम्पन्न गर्ने गरी सो निवेदन उपर छानविन गर्न तपसिल बमोजिमको जाँच बुझ कमिटी गठन गरियो ।’ परिषद्द्धारा २६ जनवरीमा जारी विज्ञप्तिमा भनिएको छ ।

भट्टराई र मल्ल विरुद्ध केहि दिन अगाडि न्यूह्याम्पशायरका प्रसन्न संग्रौलाले नक्कली आईडी अर्थात सामाजिक संजालमा सिधाकुरा नामक खाता बनाई बिभिन्न ब्यक्तिहरुलाई गाली गलौज बदनाम गर्नेहरुको नाम किटान साथ प्रत्यक्ष प्रसारणबाट मल्ल र भट्टराईको नाम सार्वजनिक गरेको बताइएको छ ।

यस्तो छ परिषद्द्धारा जारी विज्ञप्ति