हामी सबैकाे संसारन्यूज

कोरोना संक्रमणका कारण चीन अहिले निकै तनाव अनि चुनौतिवाट गुज्रिरहेको छ। वुहान सहरबाट फैलिएको यो सङ्क्रमणकै कारण १ सय ६जनाले ज्यान गुमाइसकेका छन् । एक साता नबित्दै दर्जनौं देशमा फैलिएको यो भाइरसले संसारभरको ध्यान खिचेको छ ।

चीनले कोरोना भाइरसको विरुद्ध लड्नका लागि हरसंभव कसरत गरिरहेको छ । ६ दिनमा नै १० हजार जनाको उपचार गर्न सक्ने अस्पतालको निर्माण गरेको चीनको संसारभर चर्चा भैरहेको छ । अनेकौँ प्रयास गरिरहेको चीनले यसको औषधि पनि बनाएको खबर प्राप्त भएको छ ।

चीनको निकै लोकप्रिय पत्रिका ‘पीपल्स डेली चाइना’का अनुसार चीनको सांघाई हेल्थ सेन्टरले कोरोना भाइरसविरुद्ध लड्न सक्ने स्प्रेको आविस्कार गरेको छ । उक्त पत्रिकाका अनुसार यसको सफल परिक्षण पनि गरेको छ ।

यसको आधिकारीक ट्वीटर ह्याण्डलमा भर्खरै प्राप्त एउटा पोष्टमा यो जानकारी दिइएको छ । जसका अनुसार सांघाई हेल्थ सेन्टरले यसरी कोरोना भाइरसका विरुद्ध लड्नका लागि स्प्रेको विकास गरि सफल परीक्षण समेत गरिसकेको छ।

यद्धपी यस्ता स्प्रेहरु अहिलेसम्म सामान्य जनताको प्रयोगार्थ उपलब्धता भनें छैन । यस्ता स्प्रे लाई मुखमा छर्केर कोरोना भाइरसको विरुद्ध आफूलाई सर्न नदिने क्षमता विकास गर्न सकिन्छ ।