हामी सबैकाे संसारन्यूज

२५ मंसिरकायरो (इजिप्ट) । इजिप्टको राजधानी कायरोमा अवस्थित पिरामिडतर्फ जाने सडकमा अवस्थित सुरक्षाजाँच केन्द्रमा शुक्रबार भएको विस्फोटनमा परी कम्तिमा छ जना प्रहरीको मृत्यु भएको यहाँको सरकारी समाचार संस्था मेना न्युज एजेन्सीले जनाएको छ ।

विस्फोटनमा तीन अन्य प्रहरी र तीन सर्वसाधारण घाइते भएका मेनाले सुरक्षा स्रोतलाई उद्धृत गर्दै बताएको छ ।

घटनाको तत्काल कसैले जिम्मेवारी नलिएको प्रहरीले बताएको छ । घटना अल हराम सडकको एक मस्जिद नजिकै भएको थियो ।

स्रोतका अनुसार दुई विस्फोटक पदार्थलाई रुखमुनि डस्टविनमा राखिएको र रिमोट कन्ट्रोलद्वारा विस्फोट गराइएको सुरक्षा अधिकारीले बताएका छन् । सिन्ह्वा