हामी सबैकाे संसारन्यूज

१६ माघ, काठमाडौँ । काठमाडौँमा नाम मात्रकै सरकारी विद्यालय पनि अस्तित्वमा छन् । नरदेवीनजिकै इटुम्बहालमा विहारको छिँडीमा चलिरहेको केश चन्द्र आधारभूत विद्यालय तीमध्येकै एक हो ।

जहाँ एक विद्यार्थी र दुई शिक्षक छन् । विद्यालयको सम्पत्तिको नाममा कागजात मात्रै छ । इटुम्बहालमा सजिलै विद्यालय समेत भेट्न सकिँदैन । बाहिरबाट मात्र होइन, बिहारभित्र छिर्दासमेत विद्यालयकको कुनै संकेत छैन ।

विद्यार्थीको चहलपहल पनि हुँदैन । बिहारको भुइँतलाको एउटा कुनामा छिरेपछि मात्रै विद्यालयको सानो साइनबोर्ड र तीनवटा बेन्च देखिन्छन् । ‘ विद्यालय रहेको भुइँतला केशचन्द्र बिहारको हो , भएका दुई चार बेन्च डेस्क र कुर्सी पनि अरुले डोनेसनमा दिएका हुन् ,’ विद्यालयमा बुधबार भेटिएका प्रधानाध्यापक राजेश महर्जनले भने,‘विद्यालयको नाममा त ढड्डा मात्रै छ । ’ बिहीबारको नयाँ पत्रिका दैनिकबाट