हामी सबैकाे संसारन्यूज

१७ माघ, काठमाडौँ । सर्वसाधारण जनताले सहज तरिकाले सामान्य स्वास्थ्य उपचार र औषधिसमेत पाउन नसकिरहेको बेला सांसदहरुका लागि भने औषधि उपचारबापत राज्यले लाखौं रुपैयाँ खर्च व्यहोर्दै आएको छ ।

सांसदहरुले निजी अस्पतालमा महँगो उपचारको भुक्तानीसमेत राज्यले नै गर्दै आइरहेको छ । एक वर्ष दुई महिनाको अवधिमा संघीय संसद् र राष्ट्रिय सभाअन्तर्गत रहेका १ सय २५ सांसदले स्वास्थ्य उपचार खर्चको नाममा २६ लाख २७ हजार तीन सय १० रुपैयाँ लिएको संघीय संसद् सचिवालयले जनाएको छ ।

१४ भदौ २०७५ देखि १ माघ २०७६ सम्म सो रकम सांसदहरुलाई भुत्तानी दिएको पाइएको छ । धेरै रकम लिने सांसदहरुमा प्रकाशमान सिंह, १ लाख ३२ हजार ७ सय ३१ रुपैयाँ, ज्ञानकुमारी छन्त्याल, ४७ हजार ५ सय ५३ रुपैयाँ, नरपति लुवार ४१ ह्जार ५ सय ५५ रुपैयाँ, प्रमिला कुमारी ३७ हजार ३ सय ५० , घनश्याम खतिवडा ३५ हजार १ सय १३ रुपैयाँ मिना पाण्डे ३३ हजार ९ सय ७५ रुपैयाँ लिएका छन् । शुक्रबारको राजधानी दैनिकबाट