हामी सबैकाे संसारन्यूज

१९ माघ, काठमाडौँ । चीनको वुहान सहरबाट फैलिएको नोवेल कोरोना भाइरसको संक्रमणबाट बच्न नेपाली बजारमा समेत ‘एयर –फिल्टर मास्क’ को माग अत्याधिक बढेको छ । काठमाडौँका मेडिकल तथा सर्जिकल स्टोरमा मास्क किन्ने चिनियाँ नागरिकको भीड बढ्दो छ । सबैभन्दा सुरक्षित ‘एन ९५ मास्क’ को भने अभाव देखिएको छ ।

नेपालमा चीनबाट आयात हुने मास्क अहिले भाइरस संक्रमणबाट बच्न चिनियाँ नागरिकले नै किनेर आफ्नो देश लगिरहेका छन् । यसको फाइदा प्रत्यक्ष बिक्रेता भन्दा बढी एजेन्टहरुले लिएरहेको ठमेलका रेस्टुराँ व्यवसायी बुद्धसिंह गुरुङले बताए ।

‘एजेन्टले हाम्रो बजारमा स्टक नै सकिने गरी मास्क उठाइरहेका छन् ,’ उनले भने, ‘केहीले भने स्थानीय फार्मेसीका लागि मास्क लुकाएर राखेका छन् । ’ उनले दुई सातायता बजारमा मास्कको माग अचाक्ली बढेको बताए । आइतबारको कान्तिपुर दैनिकबाट