हामी सबैकाे संसारन्यूज

१९ माघ, काठमाडौं । मिलेनियम च्यालेन्ज कर्पोरेशन (एमसीसी)  सहयोगको सन्दर्भमा भएको विवादका विषयमा सहमति खोज्न सत्तारुढ नेपाल कम्युनिस्ट पार्टी (नेकपा)ले ३ सदस्यीय समिति गठन गरेको छ । आइतबार दिउँसो बसेको नेकपा सचिवालय बैठकले ३ सदस्यीय समिति गठन गरेको हो ।

वरिष्ठ नेता झलनाथ खनालको संयोजकत्वमा गठन गरिएको समितिमा भीम रावल र प्रदीप ज्ञवाली सदस्य रहेका छन् । प्रधानमन्त्रीको प्रेस सल्लाहकार तथा नेकपाको प्रचार विभाग उपप्रमुख सूर्य थापाले आइतबारको सचिवालय बैठकले एमसीसीबारे सहमति खोज्न ३ सदस्यीय समिति गठन भएको जानकारी दिए ।

उक्त समितिलाई एमसीसीका विषयमा सहमति खोज्न १० दिनको समयसीमा तोकिएको थापाले जानकारी दिए ।