हामी सबैकाे संसारन्यूज

स्कटल्याण्डको डन्बार्टनले नजिक मिल्टन गाउँको ओवरटन ब्रिज १९६० को दशकदेखि मानिसहरुको लागि रहस्यमय बनेको छ । जुन पुलले कुकुरहरुलाई आत्महत्या गर्न उत्प्रेरित गर्ने गरेको छ । यो पुलमा जुन कुकुर पुग्छ, त्यसले एकै स्थानबाट आत्महत्या गर्ने गरेको अहिलेसम्मको रिपोर्टले प्रमाणित गरेको छ ।

यहाँ पुगेको कुकुर ५० फीट अग्लो ऊंचाईबाट हामफालेर आत्महत्या गर्ने गर्छन् । भाग्यले यदि कुकुर बाँच्छ भने पनि फेरी त्यहि स्थानमा पुगेर फेरी हामफालेर मर्ने गरेको छ ।

अहिलेसम्म यहाँबाट करिव ६०० कुकुरहरुले आत्महत्या गरिसकेका छन् । जब मानिसहरुले कुकुरले आत्महत्या गर्ने बिषयमा चर्चा गरे तब यहाँ पुल नजिक कुकुर हुनेहरुले सावधान रहन भन्दै नोटिस बोर्ड नै राखिएको छ ।

अचम्मको कुरा के पनि छ भने जतिपनि कुकुरले यहाँबाट आत्महत्या गरेका छन् सबै एकै ठाउँबाट हाम्फाल्ने गरेका छन् । केही मानिसले यो पुलमा कुनै प्रकारको भुत प्रेतको प्रभाव रहेको समेत विश्वास गरेका छन् ।

मानिसहरुको भनाई अनुसार १९९४ मा एक व्यक्तिले आफ्नो बच्चालाई यसै पुलबाट तल फालिदिएको थियो । कहानी अनुसार उक्त बच्चा एन्टी क्राइस्ट थियो र केही महिना पछी बच्चा फाल्ने व्यक्तिले समेत त्यही पुलबाट हामफालेर आत्महत्या गरेको थियो ।

कुकुरले आत्महत्या गर्ने भएकाले यस पुलमा बोर्ड नै राखेर आफ्नो कुकुरलाई ब्रिजमाथि सावधानीसाथ राख्न निर्देशन गरिएको छ ।
भिडियो हेर्नुहोस्ः