हामी सबैकाे संसारन्यूज

नेपालले शारीरिक अपाङ्गता भएका ११ जनालाई ‘ह्विल चेयर’ र नारायणस्थानस्थित जनताधन उच्च माध्यमिक विद्यालयका २२ जना दृष्टिविहीन बालबालिकालाई सेतो छडी प्रदान गरको हो ।

‘ह्विल चेयर’ पाउनेमा बागलुङ जैदीका राजेन्द्र शर्मा, बागलुङ नगरपालिकाकी पवित्रा खड्का, लेखानीका निशान विक, वानपाकी निशा केसी, पैंयुपाटाका विमल परियार, प्रसन्न सापकोटा, वानपाकै सुजन खड्का रहनुभएको छ । यस्तै, भिमगिठेकी तारा विक, मेनुका घिमिरे, अभिषेक खड्का र ललिता थापालाई ‘ह्विल चेयर’ प्रदान गरिएको सत्कर्म नेपालका अध्यक्ष सीताराम थापाले जानकारी दिनुभयो ।

अपाङ्गता भएका व्यक्तिको जीवनयापनमा सहजता ल्याउन ‘ह्विल चेयर’ प्रदान गरिएको उहाँको भनाइ छ । २५ औँ अन्तर्राष्ट्रिय अपाङ्गता दिवसको सन्दर्भ पारेर अपाङ्गता भएका व्यक्तिको पुनःस्थापनामा सघाउन सहायता सामग्री प्रदान गरिएको अध्यक्ष थापाले बताउनुभयो ।

आमा मिलन केन्द्र र साझेदारी नागरिक सञ्जालसँगको सहकार्यमा भएको कार्यक्रममा अध्यक्ष थापा, बागलुङका प्रहरी प्रमुख प्रहरी उपरीक्षक राजेन्द्र ढकाललगायतले संयुक्तरुपमा ‘ह्विल चेयर’ हस्तान्तरण गर्नुभएको थियो ।
सहायता सामग्री वितरण कार्यलाई आगामी दिनमा पनि निरन्तरता दिइने सत्कर्म नेपालले जनाएको छ । जनताधन उमावि विद्यालय व्यवस्थापन समितिका अध्यक्ष लेखनाथ सुवेदीले दृष्टिविहीन बालबालिकाको लागि थप सहयोगको आवश्यकता रहेको बताउनुभयो । उहाँले सत्कर्म नेपालले सेतो छडीलगायतका सहायता सामग्री वितरण गरेर ठूलो सहयोग पु¥याएको प्रतिक्रिया दिनुभयो । उक्त विद्यालयमा २६ जना दृष्टिविहीन बालबालिका अध्ययनरत छन् । रासस