हामी सबैकाे संसारन्यूज

काठमाडौँ । चर्चित हास्य टेलिसिरियल भद्रगोलबाट चर्चा कमाएकी कलाकार तथा मोडल रक्षा श्रेष्ठ यतिबेला अस्ट्रेलिया पुगेकी छन् ।

पुरानो भद्रगोल टिमले निर्माण गर्दै आइरहेको ‘सक्कीगोनी’ टेलिसिरियलमा कुमार कट्टेल जिग्रीको जोडी बनेर देखिँदै आएकी रक्षा सुटिङ छाडेर घुमघामको लागी अस्ट्रेलिया गएकी हुन् ।

उनले सामाजिक सञ्जाल फेसबुक मार्फत ‘मिस यू मिस्टर गुरुङ’ क्याप्सन लेखेर आफ्ना केहि तस्बिरहरु सार्वजनिक गरेकी छन् । आफ्नो श्रीमानलाई सम्झिँदै फोटो सार्वजनिक गरेपनि, उनले अहिले सम्म आफ्ना श्रीमान को हुन् भनेर दर्शकलाई थाहा दिएकी छैनन् । रक्षाका अनुसार, उनका श्रीमान् पब्लिकमा आउन रुचाउँदैनन् ।

विज्ञापनबाट अभिनय यात्रा सुरु गरेकी रक्षा श्रेष्ठलाई पछिल्लो समय विज्ञापन र सिरियल भन्दा पनि म्युजिक भिडियो मा धेरै देख्न पाइन्छ । रक्षा फिचर्ड म्युजिक भिडियोहरु चर्चामा रहेको छ । उनी एक कुशल सञ्चार कर्मी पनि हुन्, उनले एक टेलिभिजनमा कार्यक्रम प्रस्तोताको भूमिका निभाउँदै आएकी छिन् ।