Sansar News
१ फागुन, काठमाण्डौं । कुवेतको एक कन्ट्रक्सन कम्पनीमा कार्यरत ६ नेपालीको बालुवाको ढिस्कोले पुरिएर मृत्यु भएको नेपाली दूतावास कुवेतले बताएको छ ।
मंगलबार जमिन खन्ने क्रममा बम ब्लाष्ट गरेर ढुंगा फुटाल्ने क्रममा १३ नेपाली पुरिएको आशंका गरिए पनि ६ जनाको मृत्यु भएको दूतावासका द्धितीय सचिव मनोज सिंहले संसारन्युजलाई बताएका छन् ।
‘खोजी कार्य जारी छ हामी साइटमै छौं । ६ नेपालीको मृत्यु भएको भएपनि केही समयपछि मात्र सबै विवरण दिइने छ ।’ संसारन्युजसँग संगको फोन संवादमा उनले भने ।
पुरिएका मध्ये दुईजनालाई उद्धार गरेर जोहारा अस्पतालमा उपचार गराइएको बताइएको छ ।
अपडेट : कुवेतमा निर्माणस्थलमा भएको दुर्घटनामा १३ नेपाली पुरिएको आशंका
वि.सं.२०७६ फागुन १ बिहीवार १५:३० मा प्रकाशित
