हामी सबैकाे संसारन्यूज

८ फागुन, काठमाडौं । प्रधानमन्त्री केपी शर्मा ओली र नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’बीच भेटवार्ता भएको छ । बिहीबार बिहान प्रधानमन्त्री निवास बालुवाटारमा भएको भेटवार्तामा सरकारका प्रवक्ता एवम् सञ्चार तथा सूचना प्रविधिमन्त्री गोकुल बाँस्कोटाको अडियो प्रकरणबारे कुराकानी भएको थियो ।

ओली र प्रचण्डले मन्त्री बास्कोटा काठमाडौं फर्किएपछि यसबारे स्पष्टिकरण लिने र त्यसपछि के गर्ने भन्ने विषयमा निर्णयमा पुग्ने निष्कर्ष निकालेको बालुवाटार स्रोतले जानकारी दिएको छ । ओलीले भने प्रचण्डलाई भट्नु अगाबै बाँस्कोटालाई फोन गरी राजीनामा दिएर अनुषन्धानमा सघाउन निर्देशन दिएका थिए । प्रचण्डसँगको भेटपछि पार्टीगत निर्णय भएको बालुवाटार स्रोतले जानकारी दिएको छ ।

बिभिन्न कार्यक्रममा सहभागी हुन सुदूरपश्चिममा रहेका बाँस्कोटा विहीबार बिहान काठमाडौं फर्किँदैछन् । मन्त्री बाँस्कोटाले सेक्युरिटी प्रिन्टिङमा स्वीस एजेन्ट बिजयप्रकाश मिश्रसँग बार्गेनिङ ७० करोड कमिसनको बार्गेनिङ भएकोे अडियो विभिन्न सञ्चार माध्यममार्फत सार्वजनिक भएको थियो ।

अडियोमा स्वीस कम्पनीलाई सेक्युरिटी प्रिन्टिङको ठेक्का दिदा ७० करोड आउने र त्यसको ७० प्रतिशत मन्त्रीको भागमा पर्ने , कम्पनीले पनि १५.१६ करोड राख्ने भन्ने जस्ता कुरा सार्वजनिक भएका थिए ।