हामी सबैकाे संसारन्यूज

९ फागुन, काठमाडौं । नेपाली चलचित्र ‘परदेशी २’ को आज शुभमुहूर्त गरिएको छ । करिब २ महिना चलचित्रको छायांकन हुने निर्माण युनिटले जानकारी दिएको छ ।

नारायण रायमाझीको निर्देशनमा बन्न लागेको चलचित्रको मुख्य भूमिकामा लोकगायक प्रकाश सपुतले काम गर्दैछन् । प्रकाशुँगै नायिका वर्षा सिवाकोटी चलचित्रको मुख्य भूमिकामा देखिने भएकी छिन् । चलचित्र ‘परदेशी २’ले वैदेशिक रोजगारीमा जाने नेपालीको पीडा भन्छ ।

गायकसमेत रहेका प्रकाशले आफ्नो चलचित्र खेल्ने सपना ‘परदेशी २’ मार्फत पूरा भएको बताएका छन् । ‘अब म संग नयाँ सपना छैन । किनकि अधुरो एउटा सपना पनि पुरा भएको छ । चलचित्रमा अभिनय गर्ने । हिरो बन्ने ।’ उनले भने ‘सपना पुरा भएकोमा जति खुसी र उत्साहित छु त्यतिनै डर पनि लागिरहेको छ ।’