Sansar News
१३ फागुन, काठमाडौं । अन्ततः चलचित्र पारसमा अनमोल केसी अनुबन्धित भएका छन् । यसअघि चलचित्रमा निश्चल बस्नेत मुख्य भूमिकामा रहने चर्चा थियो । निर्माता माधव वाग्लेले निर्देशन गर्ने यो चलचित्रमा अनमोका पिता भुवन केसीले लगानी गर्ने भएका छन् ।
मंगलवार माधव वाग्ले र भुवन केसीबीच चलचित्र निर्माणको सम्झौता भएको हो । चलचित्रमा नयाँ नायिकालाई अनुबन्ध गरिने निर्माण टिमले जनाएको छ ।
‘ए मेरो हजुर ४’ को छायांकन सकिए अनमोलले पारसलाई समय दिनेछन् । चलचित्रको छायांकन वैशाखको दोस्रो साताबाट शुरु गरिने निर्माण युनिटले जानकारी दिएको छ ।
वि.सं.२०७६ फागुन १३ मंगलवार १७:५० मा प्रकाशित
