हामी सबैकाे संसारन्यूज

फ्रान्समा रहेकी पत्रकार अनुराधा पौडेलले फ्रान्समा तिब्र रुपमा कोरोना फैलिएको र कोरोनाको आगो लागेपछि निभाउन ग्राहो रहेको महसुस गरेको लेखेकी छन् ।

फ्रान्समा कोरोनाको संक्रमणबाट एक शिक्षकको मृत्यु भइसकेको र कोरोनाका ५७ केस पक्का भएको भन्दै सामाजिक संजालमा लेखेकी छन्– ‘तर यो कोरोना कस्तो रैछ भने कतिपय बेला मर्ने बेला भईसक्दा पनि थाह नपाईने र अस्पताल पुग्दा ढीलो भईसक्ने ! मृगौला र फोक्सोले कामै नगर्ने ।’

उनले सामाजिक संजाल फेसबुकमा यस्तो लेखेकी छन् 
‘कोरोना ईन फ्रान्स : चार महिना पहिला सम्म जुन शहरमा बस्थेँ अहिले त्यहि शहर वरपर कोरोनको आगो सल्केको छ ।
जुन अस्पतालमा जँचाउन जान्थे त्यहि अस्पलाका नर्स र डा हरु क्वारेन्टाईनमा छन् । किनभने यहि अस्पतालमा सिकिस्त भएका कोरेनाका बिरामी थिए र पछि पेरिसको एक अस्पतालमा मरे । उनीसँग सम्पर्कमा आएकाहरु क्वारेन्टाईमा थुनिएका छन् । मरेका जुन थिए उनी कोरोना सँक्रमित ठाउँमा गएका थिएनन ।उनी स्कुलका शिक्षक थिए ।
यसको मतलब उनलाई कसैले सारेको थियो ।
उनका सम्पर्कमा आउने आफन्त र साथीभाई जति सब घरमै बन्दी जस्तै छन् ।
यहि शहर अलि उता उत्तरको आमिया भन्ने शहरमा अर्का कोरोनाका रोगी छन्, सँभवत उनलाई बचाउन गाह्रो छ ।
उनी भने चाईना पुगेर आएका रहेछन् । मैले यति लेख्दा सम्म ५७ केश पक्का भएका छन् ।
त्यो भन्दा पनि उत्तर लाग्दा बेल्जियम सीमा पुगिन्छ । यहि सीमा नजिकको लिल शहरमा अहिले बेलुका एक नया रोगी भर्ती भएका छन् ।
पेरिस र पेरिस वरपर कोरोना फैलिएको छैन । कोरोनाको आगो लागेपछि निभाउन गाह्रो रैछ । हरेक क्षण फ्रान्समा तिब्र रुपमा कोरोना फैलिरहेछ ।
फ्रान्सको स्वास्थ्य सेवा टप मा पनि टप छ ! अस्पताल बेलैमा पुग्न पाए मरिन्न ।
तर यो कोरोना कस्तो रैछ भने कतिपय बेला मर्ने बेला भईसक्दा पनि थाह नपाईने र अस्पताल पुग्दा ढीलो भईसक्ने ! मृगौला र फोक्सोले कामै नगर्ने ।
एउटा आश्चर्य के लागेको छ भने रोगको खानी भएको ठाउँलाई अझै क्वारेन्टाईनमा राखिएको छैन । मानिसहरुलाई मास्क लगाउ पनि भनिएको छैन बरु प्रत्येक घन्टा हात धोउ भनिएको छ !
एक खालको अघोषित सन्त्रास छ । होटल र रेष्टुरेन्टमा ग्राहकहरु ह्वात्तै घटेका छन् । हिजो देखि बारम्बार कोरोनाको न्यूज आईरहेछन् ।’