हामी सबैकाे संसारन्यूज

१७ फागुन, काठमाण्डौं । नेपाली सेनाले सार्वजनिक गरेको नयाँ राशन स्केल २०७६ माघ १ गतेबाट लागू भएको छ ।

नेपाली सेनाको इतिहासमा विं.स २००८ साल फागुन २६ गते ‘आर्मी अर्डर’ का नाउँमा राशन सम्बन्धीत व्यवस्था सार्वजनिक भएको थियो ।
नेपाली सेनामा शाकाहारी र मांसाहारी दुवैलाई सम्बोधन गर्ने गरी राशन सम्बन्धी नयाँ व्यवस्था २०७६ पुष २३ गते परीपत्र जारी गरी माघ १ गतेबाट लागू हुने भनिएको थियो । यसअघि मांशहारीले पाउने खसी, कुखुराको मासु र अण्डाको सट्टा पनिर, च्याउ, स्पेशल दही र फलफूलको व्यवस्था गरिएपछि सेनाभित्रका शाकाहारी लाभांवित हुने स्थिति आएको हो ।

शाकाहारीका निमित्त दैनिक ११.४ ग्रामको ७ दिनमा संचित ७९.ग्रामलाई हप्ताको एकछाक दिने व्यवस्था भएको छ भने च्याउ प्रति छाक १९७.४ का दरले ५ छाक पुग्ने बताइएको छ । यसबाहेक शाकाहारीले ११५ मिलिलिटर दही समेत विहानको खानामा पाउने भएका छन् ।

नेपाली सेनाको इतिहासमा शाकाहारीलाई विधिवत भोजन व्यवस्थापन र समायोजन गरिएको यो पहिलो पटक भएको मानिएको छ ।

प्रति सैनिक दैनिक ७०० ग्राम चामल, शाकाहारी\ मांसाहारी दुवैलाई व्यवस्था भएको छ भने दाल दुवैथरीलाई ७० ग्राम, सुख्खा तरकारी ६० ग्राम, आलु १२५ ग्राम पनि दुवै थरीलाई समान गरिएको छ । दैनिक २८.६ ग्रामको खसि र कुखुराको अलग अलग व्यवस्था यसअघिकै भएको छ भने यसअघि पाएको ६ वटा अण्डामा १ थपेर ७ बनाइएको छ ।

यसको सट्टामा शाकाहारीलाई १७५ ग्राम फलफूल, ११.४ पनिर, १४१ ग्राम च्याउ, स्पेशल दही, ११५ मिलिलिटर मिलाइएको छ भने वन पाउरोटी दुवैथरीलाई ७० ग्राम भनिएको छ ।

७० वर्ष अगाडिको ‘आमी अर्डर’ ले प्रति सैनिक प्रतिदिन २० मुठी चामल, २ मुठी दाल, ३ तोला नुन, डेढ तोला घीउ, १ तोला तेल, डेढ सर दाउरा, चिनी, चिया र दूध र पैसा, मसला २ पैसा, तरकारी ६ पैसा र मासु हप्तामा आधा पाउ मात्रै व्यवस्था गरिएको थियो ।

इटहरीमा पनि ५० श्ययाको सैनिक अस्पताल सञ्चालन,के-के छन् त सेवाहरु ?