हामी सबैकाे संसारन्यूज

(१)
कालो रात हट्न जसरी, त्यो उज्यालो रबि चाहिन्छ
बिचारको शक्तिले संसार बदल्न, यहाँ त्यस्तो कबि चाहिन्छ
छन् समाजमा धेरै छन, कुरिति कुसंस्कार र कुबिचारहरु
बदल्नुछ यो समाज भने, मान्छेमा स्वच्छ छबि चाहिन्छ…

(२)
कहिले काहीं नसोचेकै, चोट पर्छ जिन्दगीमा
आफ्नै मान्छे दुष्मन बनि, घात गर्छ जिन्दगिमा
हाँसो खुशिसँगै जीवन, बित्ला भन्ने सोच्दै गर्दा
छातिमाथी बज्र परि, आँशु झर्छ जिन्दगीमा ..

(३)
मान्छेले मान्छेलाई बिभेद गर्छ, जातको बिल्ला भिराएर
आफ्नो जातलाई उच्च ठान्छ, अर्काको जात गिराएर
एक्काईसौ शताब्दिमा पनि, छुवाछुत मै अल्झिराछौं
कहिले बन्ला सुन्दर समाज ?, यसैगरी बाटो बिराएर…

(४)
बुढेशकालमा पाल्छ भन्दै, छोरा पाउँदा मख्ख पथ्र्यौ
छोरी भन्दा त्यो छोरालाई, कति धेरै प्यारो गथ्र्यौ
अहिले छोराले भोकै पार्दा, छोरीले पो पालेकी छे
छोरीको गर्भ तुहाएको भए, आज खान नपाई मथ्र्यौ …

(५)
अचेल मेरा सन्तान किन, यति अबुझ बन्न थाले
हिमाल पहाड तराई छुट्याइ ,तेरो मेरो भन्न थाले
सिङ्गो देशको कुरै छैन, बर्ग जातको पछि लाग्दै
सदभाब बोक्ने छाति भित्र, साँच्चै खाडल खन्न थाले..