हामी सबैकाे संसारन्यूज

१८ फागुन, काठमाण्डौ । युरोपको सबैभन्दा सानो देश लक्जम्वर्गमा सार्वजनिक सवारी साधान प्रयोग गरे वापत पैसा तिर्नु नपर्ने भएको छ ।
लम्क्जम्वर्गले शनिबारबाट सार्वजनिक सवारी साधनमा चढे वापतको भाडा निःशुल्क गर्ने घोषणा गरेको हो । सार्वजनिक सवासरी साधन प्रयोग गरेवापत भाडा निःशुल्क गरेको घोषणा गरेर लक्जमवर्ग संसारकै पहिलो र उदाहरणीय देश बनेको छ ।

सडकमा ट्रापिक कमगर्न तथा निम्न आय भएकाहरुको सहयोगको लागि यस्तो घोषणा गरिएको बताइएको छ । साथै बस, ट्राम र ट्रेनको प्रयोग अझ बढाइने बताइएको छ । यो भन्दा पहिले हरेक शनिबार बस, ट्राममा निःशुल्क यात्रा गर्न पाइने निमय भएकोमा अब साताभरीनै निःशुल्करुपमा सवारीसाधन चढ्न पाइनेछ ।

२०१८ मा लक्जर्मवर्गका प्रधानमन्त्री बनेका जेवियर बेटलले चुनावका बेला सार्वजनिक सवारी साधनको भाडा निःशुल्क गर्ने यस्तो घोषणा गरेका थिए । सरकारको उक्त फैसलाले १ लाख ७५ हजार सीमा पारबाट आउने मजदुर तथा लक्जर्मवर्गमा आउने १२ लाख यात्री तथा पर्यटकलाई पनि फाइदा पुग्ने बताइएको छ । ऐजेन्सी