हामी सबैकाे संसारन्यूज

काठमाडौँ । बलिउड अभिनेता सलमान खानले थाइल्याण्डमा छायांकन गरिने भनिएको चलचित्र ‘राधे’ को सुटिङ रद्द गरेका छन् ।

उनले विश्वभरीनै महामारीको रुपमा फैलिएको कोरोना भाइरसको कारण सुटिङ रद्द गरेका हुन् । एक भारतिय मिडियाका अनुसार खान र चलचित्र युनिटले विदेशमा फिल्मको सुटिङ गरेर रिक्स नलिने बताएका छन् । अब, उक्त चलचित्रको सुटिङ मुम्बईमा नै हुने भएको छ । अभिनेता खानले केहि समय अगाडि सामाजिक सञ्जाल मार्फत कोरोना भाइरसबाट बच्ने केहि उपायहरु पनि दिएका थिए ।

ईदमा प्रदर्शनमा आउने भनिएको यस चलचित्र ‘राधे’लाई प्रभुदेवाले निर्देशन गरिरहेका छन् । त्यस्तै, यस चलचित्रमा सलमानको अलावा दिशा पाटनी, रणदीप हुड्डा, ज्याकी श्राफ र गौतम गुलाटीको मुख्य भुमिका रहेको छ ।