हामी सबैकाे संसारन्यूज

२४ फागुन, काठमाण्डौं । परीक्षामा राम्रो अंक ल्याउन नसकेको भन्दै काठमाण्डौंको जडीबुटीस्थित जागृति एकडेमीकी शिक्षिकाले ३४ विद्यार्थीको हात ब्लेडले चिर्न लगाएकी छिन् । हात चिरिएकामध्ये २५ विद्यार्थी कक्षा ६ र नौ जना कक्षा ७ का छन् ।

कक्षाका विद्यार्थीको कक्षा परीक्षा लिएकी थिइन् । राम्रो नम्बर नल्याउनेको हात चिरिदिने भन्दै उनले परीक्षाको वेला धम्की दिएकी थिइन् । धम्की अनुसार नै उनले राम्रो नम्बर ल्याउन नसकेको विद्यार्थीलाई विहिबार बेन्चमा उभ्याएर सिसाकलम तिर्खाने ब्लेडले हात चिर्न लगाएको पीडित विधार्थीले बताए । निर्देशन नमाने आफैं चिरिदिने धम्की दिएपछि आ–आफ्नो हात कोटेको विद्यार्थीले बताए ।

पीडित विद्यार्थीका अनुसार परीक्षाको फूलमाक्र्स २० निर्धारण गरिएको थियो । शिक्षिकाले १५ भन्दा कम ल्याउने सबैको हात काटिएको छ । १५ नम्बर आसपास ल्याउनेको भने काटिएको छैन ।

यस विषमा शिक्षिका सितालक्ष्मी कर्माचार्यले विद्यार्थीलाई डर देखाउन यस्तो गरेको बताएकी छन् । उनले आफूले डर देखाउन थोरै काट्न भनेको तर विद्यार्थीले बढी काटेको भन्दै एकपटकलाई माफी मागेकी छन् ।  शनिबारको नयाँपत्रिका दैनिकमा समाचार छ ।