Sansar News
२६ पुस, काठमाण्डौं । ३८ किलो सुन तस्करीका तीन अभियुक्तलाई दुबईमा पक्राउ परेको डेढ वर्षसम्म पनि नेपालले झिकाउन सकेको छैन । बरु युएई प्रहरीले तारेखमा छाडिएका उनीहरु दुबईमै व्यापार गरिरहेका छन् ।
उनीहरु तस्करीका मुख्य लगानीकर्ता कुष्ण गोपाल अग्रवाल, हरिशरण खड्का र रमेश उप्रेती हुन् ।
तीनैजनाविरुद्ध अन्तराष्ट्रिय अपराध प्रहरी संगठन (इन्टरपोल) ले रेड नोटिस जारी गरेपछि पक्राउ परेका थिए । दुबई प्ररहीले उनीहरुलाई तारेखमा राखेपछि नेपाल फर्काउन भने मानेका छैन । उनीहरु दुबईमा सुन पसल, रेष्टोरेण्ट तथा ट्राभल ऐजेन्सीमा लगानी रहेको सोमबारको नयाँपत्रिका दैनिकमा समाचार छ ।
सुरुमा युएई प्रहरीले पक्राउ परेकाविरुद्धको सम्पूर्ण कागजपत्र पठाउन नेपाल प्रहरीलाई आग्रह गरेको थियो । सोहि अनुसार प्रहरीले उनीविरुद्धका प्रमाण पठाएको थियो ।
वि.सं.२०७६ फागुन २६ सोमवार ०८:५१ मा प्रकाशित
