हामी सबैकाे संसारन्यूज

२६ पुस, काठमाण्डौं । नेपाल प्रहरीले संयुक्त राष्ट्रसंघीय शान्ति मिसनमा जान २०४८ फागुन २९ बाट सुरु गर्यो । तत्कालीन युगोस्लाभियाबाट सुरु भएको यो क्रम अहिले पनि छ ।

प्रहरीमा जागिर खाएपछि कम्तिमा एकपटक शान्ति मिसन गएर आर्थिक जोहो टार्ने धेरैको इच्छा देखिन्छ । तर, पछिल्लो समयमा शान्ति मिसनको सख्या ह्वात्तै घटेको छ ।

प्रहरी मुख्यालयको अभिलेख अनुसार २०४८ फागुनदेखि हालसम्म आठ हजार तीनसय २० जना शान्ति मिसनमा गएको देखिन्छ । यो अवधिमा ४८ जना प्रहरी वरिष्ठ उपरीक्षक, एक सय ९६ जना प्रहरी उपरीक्षक, डिएसपी आठसय ४७ जना, प्रहरी निरीक्षक एक हजार दुईसय ६५ जना, प्रहरी नायब निरीक्षक एक हजार सातसय २७ जना, प्रहरी हवल्दार एक हजार ६ सय ३३ जना, प्रहरी जवान एक हजार चारसय ६३ जना र फलोअर्स एक सय ९४ जनाले मिसन गएको देखिन्छ ।

१७ वटा मुलुकमा शान्ति मिसनमा गएका प्रहरी अहिले जम्मा पाँचवटा मुलुकमा मात्रै सीमित रहेको देखिन्छ । फर्म पुलिस युनिट (एफपीयू) मा जाँदा प्रहरीले वार्षिक १५ लाख रुपैयाँ बचत गर्छन् ।

अर्को युएनले अफिसर तोकेर माग्दा एसएसपी, एसपी र डिएसपीसम्मको दर्जा मिसनमा जाँदा वार्षिक झण्डै ७० देखि ८० लाख रुपैयाँसम्म बचत गर्छन् । युगोस्लाभिया, स्लोभानिया, बोस्निया, कोसोभो, कम्बोडिया, मोजाम्बिक, नेदरल्याण्ड, रुवाण्डा, इराक, पूर्वी टिमोर, सिरियालोन, कंगो, अफगानिस्तान, लाइबेरिया, हाइटी, सुडान, आइभरीकोष्ट, सोमालिया, इटाली र मालीमा पुगेको प्रहरीको शान्ति मिसन टोली अलिे खुम्चिएर सुडान, कंगो, सोमालिया, डार्फर र मालीमा मात्रै सीमित छ । शान्ति मिसनको संख्या घट्दै गएपछि प्रहरीको आकर्षणसमेत घट्दै गएको देखिन्छ । सोमबारको अन्नपूर्णपोष्ट दैनिकबाट

file photo- Agency