हामी सबैकाे संसारन्यूज

प्रवासी नेपाली मञ्च (ओएनएफ) कतारको आठौँ अधिवेशनबाट अफसर अली खान अध्यक्षमा सर्वसम्मत निर्वाचित भएका छन्। हालै सम्पन्न अधिवेशनले मोरङका खानको नेतृत्वमा नयाँ कार्यसमिति चयन गरेको हो।

अधिवेशनबाट उपाध्यक्षमा शेषराज तिमिल्सिना (पर्वत), सचिवमा रघुनाथ शर्मा (पर्वत) र उपसचिवमा निराजन गौतम (बागलुङ) सर्वसम्मत चयन भएका छन्।

त्यस्तै कार्यसमिति सदस्यमा सुदर्शन भण्डारी (नुवाकोट), निरन नेपाल (सुनसरी), गोपाल खतिवडा सुनसरी), प्रेमकुमार बस्नेत (सुनसरी, सुदीप भित्रीकोटी मोरङ), डोलेन्द्र बि.क. (झापा),तैकिर आलम (महोत्तरी), मो. असलम साफी (धनुषा), श्यामप्रसाद पाण्डे (पर्वत), लोकेन्द्र सिग्देल (स्याङ्जा), भेष गुरुङ (कास्की), संजोक गौतम (स्याङ्जा), आनन्द जिसी (पर्वत) र समुन्द्र खड्का (प्युठान) रहेका छन् ।

नवनिर्वाचित कार्यसमितिलाई बधाई तथा शुभकामना दिँदै अतिथीहरूले कतारमा रहेका नेपाली श्रमिकका समस्या समाधान गर्न, समस्यामा परेका नेपालीको पक्षमा आवाज उठाउन तथा प्रवासी नेपालीबीच एकता र सहकार्यलाई थप मजबुत बनाउन नयाँ नेतृत्वले प्रभावकारी भूमिका निर्वाह गर्ने विश्वास व्यक्त गरेका छन्।

निर्वाचित अध्यक्ष खानले कतारमा रहेका नेपाली श्रमिक, पीडित तथा विभिन्न समस्यामा परेका नेपालीलाई समान दृष्टिले हेर्दै उनीहरूको हकहित र समस्याका पक्षमा प्रभावकारी रूपमा काम गर्ने प्रतिबद्धता व्यक्त गरेका छन्। उनले प्रवासमा रहेका नेपालीका समस्या पहिचान गरी सम्बन्धित निकायसँग समन्वय गर्दै समाधानका लागि पहल गर्ने बताएका छन्।