हामी सबैकाे संसारन्यूज

२६ पुस, काठमाण्डौं । नेपाल प्रवेश गर्ने विदेशी नागरिकले कोरोना भाइरसबाट संक्रमित नभएको स्वास्थ्य प्रमाणपत्र अनिवार्य बुझाउनु पर्ने भएको छ । चीन, दक्षिण कोरिया, इटाली, इरान, जापानबाट आउने विदेशीले आफू संक्रमित नभएको स्वास्थ्य प्रमाणपत्र हवाई कार्यालय अध्यागमनमा बुझाउनुपर्नेछ ।

यी मुलुकलाई ट्रान्जिट बनाई नेपाल प्रवेश गर्न खोज्ने विदेशीको हकमा पनि यो नियम लागू हुनेछ । रिर्पोटमा कोरोनाबाट प्रभावित नभएको व्यहोरा उल्लेख हुनुपर्ने पनि आजको अन्नपूर्णपोष्ट दैनिकमा समाचार छ ।

हवाई तथा स्थल मार्गबाट नेपाल प्रवेश गर्नेले अध्यागमन नाकामा कोरोना भाइरसबाट संक्रमित नभएको व्यहोराको स्वास्थ्य प्रमाणपत्र अनिर्वाय बुझाउनुपर्नेछ । यो निम मंगलबार देखि लागू हुनेछ ।

गृहमन्त्रालयले नेपालस्थित विदेशी कुटनीतिक नियोगलाई पत्राचार गरी यसबारे जानकारी गराएको छ । अध्यागमन विभागका महानिर्देशक ईश्वराज पौडेलले कोरोनाबाट संक्रमित नभएको स्वास्थ्य प्रमाणपत्र नबु्झाउने विदेशीलाई नेपाल प्रवेशमा रोक लगाइने बताए ।