हामी सबैकाे संसारन्यूज

२७ फागुन, जनकपुरधाम । बलात्कारको घटना लुकाउन गलत मेडिकल रिपोर्ट दिने दुई डाक्टर काममा फर्केका छन् ।

तत्कालीन जनकपुर अञ्चल अस्पतालका चिकित्सकद्वय डा. विजयकुमार सिंह र डा. रम्भा गोइत पुरानै पेसामा फर्कका हुन् । आर्थिक प्रभावमा परी बलात्कारजस्तो जघन्य अपराधको घटना लुकाउन गलत रिपोर्ट दिएको भन्दै विशेष अदालतले १ पुस २०७६ मा ६ महिना कैद सजाय र २५ हजार जरिवानाको फैसला गरेको थियो ।

तर, अहिले दुवैजना बिरामीको चेक जाँच गर्दै आइरहेका छन् । डा. सिंह जनकपुरकै विभिन्न हस्पिटल तथा क्लिनिक तथा डा. गाइत बुटवलमा एक नर्सिङ होममा काम गरिरहेको पाइएको छ । पेसागत मर्यादाविपरीत कार्य गरेको भन्दै नेपाल मेडिकल काउन्सिलले दुवैको चिकित्सक प्रमाणपत्र खारेज गरेको छ । मंगलबारको नयँपत्रिका दैनिकबाट