हामी सबैकाे संसारन्यूज

२८ फागुन, कोरिया । कोरियामा कार्यरत एक नेपालीको उपचारका क्रममा मृत्यु भएको छ ।

कोरियाको राजधानी सौलबाट ८५ किलोमिटर टाढा रहेको छनान शहरको हाब्दोङमा कार्यरत धनकुटाका उत्तर कुमार राईको उपचारका क्रममा मृत्यु भएको हो ।

१० वर्ष अघि कोरिया पुगेका ५१ वर्षीय राईको नेपालमा रहँदा नै मुटुमा समस्या देखिएको र कोरियामा पनि नियमित उपचार गर्दै आएकाृ बताइएको छ ।

फागुन २७ गते (१० मार्च) का दिन काम गरिरहेको अवस्थामा कार्यस्थलमा नै अचानक ढलेका उनलाई उपचारका क्रममा अस्पतालले मृत घोषणा गरेको बताइएको छ ।

राईको शब नेपाल पठाउनका लागि नेपाली दूतावास कोरिया तथा नेपाली समुदायले यसको प्रक्रिया सुरु गरिसकेको एनआरएनए कोरियाकी मानार्थ सदस्य तथा एनआरएनए एसिया प्यासेफिककी पूर्वमहिला संयोजक जुनु गुरुङले संसारन्युजलाई जानकारी दिएकी छन् ।

मृतक राईको परिवारमा एक छोरी र श्रीमती रहेको र उनीहरु नेपालमै रहेको बताइएको छ ।