हामी सबैकाे संसारन्यूज

२९ फागुन, स्पेन । चीनको वुहान हुँदै युरोप, अमेरिका, खाडी र एसियाका विभिन्न देशमा तिब्र गतिमा फैलिएको कोरोना संक्रमणका कारण स्पेनमा पनि झण्डै ४ दर्जनको मृत्यु भइसकेको समाचार छ ।

स्पेनमा उच्च गतिमा फैलिएको कोरोना भाइरसका कारण नेपाल सरकारले स्पेनबाट नेपाल जाने नेपाली तथा अन्य नागरिकलाई अनिवार्य रुपमा क्वारेन्टाइनमा बस्नुपर्ने र कोरोना भाइरस संक्रमण नभएको प्रमाणपत्र आवस्यक पर्ने भन्दै नेपाली दूतावास स्पेनले स्पेनमा रहेका नेपालीलाई निम्न सूचना र जानकारीको लागि अनुरोध गरेको छ ।

दूतावासले स्पेनमा रहेका नेपालीले अत्यावस्यक बाहेक भ्रमण नगर्ने ।
नेपाल जाने भिषा अनिवार्य रुपमा दूतावासबाट नै लिनुपर्ने, आवेदन दिँदा कोभिड–१९ नभएको प्रमाणित हुनुपर्ने र सामान्य स्वास्थ्य परीक्षण प्रयाप्त नहुने भएकोले सो बारे सम्बन्धीत व्यक्तिलाई जानकारी दिन पनि दूताबासले अनुरोध गरेको छ ।

त्यसैगरी दूतावासले स्पेनमा संक्रमण दर उच्च रहेको अहिलेको अवस्थामा सेवा/जानकारी लिन दूतावासमा भौतिक रुपमा नै उपस्थिति हुुनुपर्ने बाध्यता हटाइएका बताएको छ । दूतावासको टेलिफोन वा कर्मचारीको मोबाइलमा सम्पर्क गरी सम्पूर्ण जानकारी दिन सकिने पनि दूतावासले जनाएको छ ।

दूतावासबाट प्रदान गरिने सम्पूर्ण सेवाहरु अर्को व्यवस्था नहुँदा सम्मको लागि पोष्टल सिस्टमबाट प्रदान गरिने व्यवस्था मिलाइएको समेत दूतावासद्धारा जारी सूचनामा जनाइएको छ ।