हामी सबैकाे संसारन्यूज

२९ फागुन, काठमाडौं । सरकारले भारत तर्फको नाकामा कडाइ गर्दै पर्यटक भिसा नदिने समेत निर्णय गरेको छ ।

कहिलेदेखि यो निर्णय कार्यान्वयन हुने उल्लेख नगरिए पनि मुख्यसचिव लोक दर्शन रेग्मी नेतृत्वको कार्यदलले आबस्यकता परेको खण्डमा जुनसुकै बेला पनि यो निर्णयको कार्यान्वयन गर्नसक्ने बताइएको छ ।

बुधबार मात्र बिश्वस्वास्थ्य संगठनले कोभिड १९ लाई माहामारीको घोषणा गरेको थियो त्यसको भालिपल्ट अर्थत बिहिबार सांझ बसेको उच्चस्तरिय समन्वय समितिको बैठकले उक्त निर्णय गरेको हो ।

२०१९ को डिसेम्बरमा चिनको वुहानबाट फैलिएको कोरोना भाइरस अहिले बिश्वभरका १०९ वटा देशहरुमा फैलिइ सकेको छ भने ४ हजार भन्दा बढी उक्तरोगको शिकार भैसकेका छन भने एकलाख बढीमा यो संक्रमण फैलिएको छ ।

सरकारले तत्कालका लागि सिमा नाकालाई सिमित गर्ने पनि निर्णय गरेको छ । हाल भारत तर्फको रहेको खुला सिमा नाकामा कडाई गर्ने, यसका लागि गृह तथा परराष्ट्र मन्त्रालयले समन्वय गर्ने निर्णय समेत सरकारले गरेको छ ।

यो सिजनको हिमाल आरोहण स्थगित गर्ने तर स्कुल तथा कलेजहरु बन्द नगर्ने निर्णय सरकारले गरेको छ ।

स्कुल तथा कलेजहरु बन्द नगर्ने निर्णय गरेको सरकारले बिभिन्न खालका सार्बजनिक कार्यक्रम, भोज भतेर लगायतका भिडभाड हुने कार्यक्रम नगर्न आव्हन गर्ने निर्णय पनि गरेको सरकारका प्रबक्ता समेत रहेका अर्थमन्त्री यूवराज खतिवडाले जानकारी दिएका छन ।