हामी सबैकाे संसारन्यूज

२ चैत, काठमाडौं । नेपाल कम्युनिष्ट पार्टी (नेकपा)का अध्यक्ष प्रचण्डले सातै प्रदेशका प्रमुखसँग भेटवार्ता गरेका छन्। प्रदेश सरकारले भोग्नु परेका समस्याबारे केन्द्रिय सरकारलाई जानकारी गराउन काठमाडौं आएका प्रदेश प्रमुखहरुले आज प्रचण्डसँग भेटवार्ता गरेका हुन् ।

प्रधानमन्त्री केपी शर्मा ओलीसँग भेटवार्ता गर्न भनेर काठमाडौं आएका उनीहरुले भर्खरै मिर्गौला प्रत्यारोपण गराएका प्रधानमन्त्रीसँग भेट्ने समय भने तोकिएको छैन् । प्रदेशले भोग्नु परेका समस्याबारे जानकारी दिन काठमाडौं आएको भन्दै राष्ट्रपति विद्यादेवी भण्डारीसँग समेत भेट वार्ता गर्ने जनाएका छन् ।

प्रदेश प्रमुखहरुले आज प्रचण्डलाई सामूहिक रुपमा प्रदेशले भोगेका समस्याबारे जानकारी गराएका छन् । भेवार्ताको क्रममा प्रचण्डले समस्या समाधानमा अगाडी बढ्न सरकारसँग छलफल गर्ने प्रतिबद्धता जनाएका थिए ।