२ चैत, काठमाडौं । भृकुटिमण्डपमा तत्कालीन एकीकृत नेकपा माओवादीका अध्यक्ष पुष्पकमल दहाल प्रचण्डमाथि थप्पड प्रहार गर्ने पदम कुवँर पक्राउ परेका छन् । नेताहरुले देश बिगारे भन्दै नयाँ बानेश्वरमा रहेको संसद भवनको गेटबाट भित्र पसेका उनलाई प्रहरीले पक्राउ गरेको हो ।
बागलुङका पदम कुँवरलाई महानगरीय प्रहरी वृत नयाँ बानेश्वरमा राखिएको छ । वृत वानेश्वरमा डीएसपी दुर्गाराज रेग्मीले अनुमति विना शौचालय छिरेका पदमलाई शनिबार राति हिसासतमा राखिएको बताए ।
प्रहरी स्रोतका अनुसार पदम शनिबार संसद भवनभित्र पसेका थिए । अबेरसम्म उनी बाहिर ननिस्किएपछि प्रहरीले उनको बारेमा सोधखोज गरेको थियो । उनले प्रहरीलाई नेताहरुले देश बिगारेको भन्दै चर्काचर्की गरेका थिए ।
वि.सं.२०७६ चैत २ आइतवार १४:३३ मा प्रकाशित