हामी सबैकाे संसारन्यूज

२ चैत, बंगलादेश । वंगलादेशमा नेपाली क्यालेन्डरको विमोचन गरिएको छ । संसारभरीका नेपाली विद्यार्थीको संस्था ‘विश्वव्यापी नेपाली विद्यार्थी संगठन’ (WNSO ) वंगलादेशको आयोजनामा वंगलादेशका लागि नेपाली राजदूत डा. वंशिधर मिश्रले वि.स २०७७ को नेपाली क्यालेन्डरको बिमोचन गरेका हुन् ।

डब्लुएनएसओ बंगलादेश च्याप्टरका पूर्वसभापति तथा बर्तमान प्रमुख सल्लाहकार डा. राकेश साहको अध्यक्षता तथा राजदूत डा. मिश्राको प्रमुख आतिथ्यतामा आयोजित उक्त कार्यक्रममा प्रमुखअतिथि मिश्रले क्यालेन्डरको पाँचौ संस्करणको विमोचन गर्दै नेपाली विद्यार्थीहरुले गरेको सो कार्यको प्रसंसा गरेका थिए । राजदूत मिश्रले संगठनले खेलेको भूमिका सह्रानिय रहेको बताउँदै आगामी दिनमा नेपाली विद्यार्थीहरुलाई खुराक पुग्ने गरी थप प्रकाशन हुने अपेक्षा व्यक्त गरेका थिए ।

कार्यक्रममा उनले संगठनमा निर्वाचित कार्यसमितिका सदस्यलाई सम्मान गर्दै उत्प्रेरणा दिएका थिए ।

सन् २००८ देखि बंगलादेशमा सक्रिय रहेका र हाल स्नाकोत्तर गरिरहेका डा. राकेश शाहले पढाइलाई प्राथमिकता दिँदै समाजसेवामा समय व्यवस्थापन गर्ने आफ्ना अनुभुति सेयर गरेका थिए भने शेरे वंगला कृषि विश्वविद्यायलको विद्यार्थी समेत रहेका नवनिर्वाचित सभापति निरज कुमार यादवले संगठन मार्फत् विद्यार्थीको हितका लागि थप सक्रिय हुने प्रतिवद्धता व्यक्त गरेका थिए ।

कार्यक्रममा संगठनका पदाधिकारी तथा सदस्यहरुको उपस्थिति रहेको थियो ।