हामी सबैकाे संसारन्यूज

२ चैत्र । बैंकिङ तथा कर्पोरेट क्षेत्रमा लामो समय देखि काम गर्दै आएका कृष्ण सुवेदी नबिल बैंक लिमिटेडको प्रबन्धकमा नियुक्त भएका छन् ।

दायित्व व्यवस्थापन , जनसम्पर्क, बजार विस्तार तथा व्यवस्थापन, बाह्य मामिला व्यवस्थापन, सञ्चार सम्बन्ध, अन्तर्राष्ट्रिय बैंकिङ लगायत अनुभवका आधारमा उनलाई उक्त जिम्मेवारीमा ल्याइएको बताइएको छ ।

यसअघि माछापुच्छ्रे बैंकमा प्रमुख दायित्व व्यवस्थापन अधिकृतको जिम्मेवारीमा रहेका उनी बहुर्राष्ट्रिय कम्पनी बोटलर्स नेपाल (कोकाकोला), एनएमबी, माछापुच्छ्रे हुँदै नबिल बैंक पुगेका हुन् ।

सन् २०११ मा एनएमबी बैंकबाट बैंकिङ करिअर सुरु गरेका सुवेदीले त्यहाँको सेवाबाट बाहिरिनुअघि प्रमुख संस्थागत बैंकिङ, बाह्य मामिला र सञ्चार सम्बन्धको दायित्व निर्वाह गरेका थिए । उनीसँग अन्तर्राष्ट्रिय बैंकिङ, अन्तर बैंकिङ व्यवस्थापन र प्रणाली सुधारमा पनि उनको अनुभव छ ।