हामी सबैकाे संसारन्यूज

३ चैत, काठमाण्डौं । कतारले कोभिड -१९ संक्रमणलाई थप फैलन नदिन जोखिम क्षेत्रमा परेका चारवटा कम्पनीमा कार्यरत झण्डै चार हजार कामदारलाई क्वारेन्टाइनमा राखेको छ । त्यहाँ कम्तीमा २ हजार नेपाली कामदार रहेका छन् ।

कतारमा कार्यरत कामदारको मुख्य बसोबासस्थल औद्योगिक क्षेत्र सनैयामा रहेका क्याम्पलाई क्वारेन्टाइन बनाइएको हो । उनीहरुलाई वीहिबार देखि बाहिर निस्कन दिईएको छैन । क्वारेन्टाइनमा रहेका नेपालीहरुले आफू स्वास्थ्य सुरक्षाका लागि नै क्वारेन्टाइनमा रहेको भन्दै खुसी व्यक्त गरेको आजको कान्तिपुर दैनिकमा समाचार छ ।

‘हामीलाई राखिएको ठाउँमा आठवटा बिल्डिङमा फरक फरक कम्पनीमा कामगर्ने नेपाली छन् । यहाँका दुईवटा बिल्डिङमा बस्ने दुईजनालाई कोरोना संक्रमण देखिएपछि सबैलाई क्वारेन्टाइनमा राखिएको हो ।’ क्वारेन्टाइनमा बसेका धनुषाका एक नेपालीले भने, ‘हाम्रो स्वास्थ्य जाँच गर्न हमाद अस्पतालबाट डाक्टर आए, सबै जाँच गरेर गए । रिर्पोट आइसकेको छैन ।’