Sansar News
४ चैत, काठमाण्डौं । चीनको वुहानबाट सुरु भएर बिश्वभरी महारमारीको रुपमा फैलिएको कोरोना भाइरसका कारण बेलायतमा ५५जनाको मृत्यु भइसकेको छ भने १५४३ जनामा संक्रमण देखिएको छ ।
विभिन्न देशका उच्च पदस्थका परिवार, भिआइपी, धनाढ्य खेलाडीलगायतमा पनि कोरोना भाइरसको संक्रमण देखिनुका साथै मत्यु समेत भएको समाचार आइरहेका छन् ।
यसैबीच बेलायतकी महारानी एलिजावेथ द्धितीयाले कोरोना भाइरसको डरले बर्मिङघम दरबार छोडेको समाचार अन्तराष्ट्रिय संचारमाध्यमले लेखेका छन् ।
केही साता अघि ९४ वर्षीया महारानीको स्वास्थ्य अवस्था राम्रै भएपनि उनका सल्लाहकारले दरबारबाट अन्यत्र सार्नु उचित रहेको भन्दै विन्सडर क्यासल लगिएको बताइएको छ । उनका श्रीमान फिलिपलाई पनि सेन्डिङगममा अल्लगै राख्ने तयारी भइरहेको छ । दरबार सुत्रले ‘द सन’ लाई दिएको जानकारी अनुसार दरबारमा कसैलाई पनि कोरोना भाइरस संक्रमण नभएको तथा वृद्ध उमेरकी महारानीलाई अलग्गै राख्नु उनको स्वाथ्यका लागि फाइदाजनक भएकाले यस्तो गरिएको बताइएको छ ।
द सनका अनुसार बर्मिङघम दरबार लन्डनको मध्यभागमा रहेको र त्यहाँ काम गर्ने कर्मचारी धेरै रहेका कारण दरबारभित्रै भिडभाड बढी हुने भएकाले महारानीलाई संक्रमण हुने आशंकाले यस्तो गरिएको बताइएको छ ।
वि.सं.२०७६ चैत ४ मंगलवार ०९:०७ मा प्रकाशित
