हामी सबैकाे संसारन्यूज

४ चैत, काठमाण्डौं । नेपाली सेनाले कोरोना भाइरस कोभिड १९ संक्रमण नियन्त्रणका लागि एकद्धारा रणनीति अपनाएको छ ।

सेनाले भद्रकालीस्थित सेनाको मुख्यालयमा कार्यरत उच्च सैनिक अधिकृतदेखि जवान सम्म्ले कार्यालय प्रवेश गर्नुअघि र बाहिर निस्कँदा ‘थर्मप्लान्ट’ बाट स्वास्थ्य परीक्षण गर्नुपर्नेछ ।

उच्च ज्वरो आएको वा शंका लागेका सैनिक कर्मचारीलाई तत्काल ‘ आइसोलेसन’ का लागि सैनिक मुख्यालयको दक्षिणतर्फको गेटमा निर्माण गरिएका अस्थायी टेन्टमा राख्ने व्यवस्था गरिएको समेत मंगलबारको गोरखापत्र दैनिकमा समाचार छ ।
सैनिक प्रवक्ता विज्ञानदेव पाण्डेले कार्यालय प्रवेश गर्नु अघि स्वास्थ्य परीक्षण र हातमा सेनटाइजर लगाएर प्रवेश गर्नुपर्ने व्यवस्था अनिवार्य गरिएको जानकारी दिएका छन् ।

सेनाले विश्व स्वास्थ्य संगठन (डब्लुएचओ) को मापदण्ड अनुसार तीन मिटरको दूरीमा अस्थायी टेन्ट निर्माण गरिनुका साथै स्वास्थ्यकर्मीको टोली तयारी अवस्थामा राखिएको जनाएको छ ।

कोरोना रोक्न देशभरीका सैनिक अस्पतालका डाक्टरहरुलाई प्रशिक्षण दिँदै नेपाली सेना